एकै दिन ३८०० रुपैयाँले घट्यो सुनको मूल्य, कतिमा हुँदैछ कारोबार ?

नेपाली बजारमा मंगलबार सुनको मूल्यमा गिरावट आएको छ । नेपाल सुनचाँदी व्यवसायी महासंघका अनुसार सोमबार २ लाख ४३ हजार ३०० रुपैयाँमा कारोबार भएको छापावाल सुन आज प्रतितोला २ लाख ३९ हजार ५०० रुपैयाँमा झरेको छ । यो मूल्य सोमबारभन्दा प्रतितोला ३ हजार ८ सय रुपैयाँले कम हो । चाँदीको मूल्यमा पनि कमी आएको छ। हिजो प्रतितोला ३ हजार १५५ रुपैयाँमा कारोबार भएको चाँदी मंगलबार ३ हजार ९० रुपैयाँमा झरेको छ।