कांग्रेसका युवा नेतालाई बोलाएर प्रधानमन्त्रीले भनिन्– चुनावको वातावरण बनाउन लाग्दिनुस्

प्रधानमन्त्री सुशीला कार्कीले आफ्नो सरकार चुनावका लागि प्रतिबद्ध रहेको भन्दै वातावरण बनाइदिन कांग्रेसका युवा नेताहरूसँग आग्रह गरेकी छिन् । नेविसंघका पूर्वअध्यक्ष समेत रहेका कांग्रेस युवा नेता गुरू घिमिरेसहितका नेताहरूसँग मंगलबार प्रधानमन्त्री निवास बालुवाटारमा भएको भेटमा कार्कीले चुनावको वातावरण बनाउन आग्रह गरेकी हुन् । ‘प्रधानमन्त्रीको सचिवालयले बोलाएरै हामी प्रधानमन्त्रीलाई भेट्न बालुवाटार गएका थियौं,’ घिमिरेले भने, ‘उहाँले विशेष राजनीतिक परिस्थितिमा आफूले चुनाव गराउने जिम्मेवारी लिएर सरकारम...