सिरियाको प्राचीन शिलालेखमा भेटिएको वैदिकछन्दले उब्जाएको जिज्ञासा

वैदिकआर्यहरू साहित्यमा विभिन्न छन्द प्रयोग गर्थे । यसैमध्येको एउटा छन्दको नमूना सिरियाको शिलालेखमा फेला परेको छ । ऋग्वेदको उषासूक्तमा प्रयोग भएको छन्दको नमूना उत्कीर्ण भएको उक्त शिलालेख ३४०० वर्ष पुरानो मानिएको छ । सिरियाली अरब न्यूज एजेन्सीका अनुसार सो शिलालेख सिरियाको उत्तरी क्षेत्रमा पर्ने एउटा स्थानमा भेटिएको हो, जसलाई तत्कालीन मिटानी राज्य (हाल उत्तरी सिरिया)का सम्राट् सत्तिवाजाको पालाको मानिएको छ । प्रश्न उठ्न सक्छ के वेदमन्त्र प्रकटीकरणको शुरूवात त्यतैतिरबाट भएको हो ? होइन भने उक्त वैदिक छन्दको नमूना त्यहाँ पुग्यो कसरी ? त्...