मंसिर २७ गते काठमाडौंमा नेपाली इतिहासकै ठूलो जनसभा गर्दैछौं– पोखरेल

नेकपा एमालेका महासचिव शंकर पोखरेलले आगामी मंसिर २७ गते काठमाडौंमा नेपाली इतिहासकै ठूलो जनसभा गर्ने बताएका छन् । प्रमुख दलबाट जनता अलग भए भन्ने भाष्य चिर्नका लागि एमालेले जनपरिचालन गर्न लागेको उनले बताए । सोमबार काठमाडौंमा प्रेस चौतारी नेपालले आयोजना गरेको कार्यक्रममा पोखरेलले एमालेको महाधिवेशन उद्‌घाटनको दिन इतिहासकै ठूलो जनसभा गर्ने बताएका हुन् । ‘प्रमुख दलबाट जनता अलग भए भन्ने भाष्य चिर्न हामीले कात्तिक २२ गते वडामा जनभेला, २५ गते पालिकामा र्‍याली र २९ गते जिल्लामा सभा गर्...