दुर्गा प्रसाईंको गिरफ्तारीप्रति राजतन्त्रवादी युवा समूहको आपत्ति

'जेन-जी अलायन्स फर मोनार्की' नामक एक युवा समूहले अभियन्ता दुर्गा प्रसाईंको गिरफ्तारीको भर्त्सना गरेको छ। बुधबार एक प्रेस विज्ञप्ति जारी गर्दै समूहले प्रधानमन्त्री सुशीला कार्की नेतृत्वको अन्तरिम सरकारलाई 'असंवैधानिक' र 'अवैध' को संज्ञा दिँदै प्रसाईंको गिरफ्तारीलाई मौलिक हक र कानूनी प्रक्रियाको घोर उल्लङ्घन भनेको छ। समूहले सरकारमाथि शक्ति शून्यताको अवस्थामा गठन भई सत्ता टिकाउनका लागि मात्र राज्यशक्तिको दुरुपयोग गरेको गम्भीर आरोप लगाएको छ। 'यो सरकारले नेपाली जनता तथा कानूनको शासनप्रति पूर्ण अवहेलना द...