जेनजी प्रदर्शनका घाइतेको वर्गीकरण गरी विवरण मन्त्रालयमा पठाउन गृहको निर्देशन

गृह मन्त्रालयले देशभरका जिल्ला प्रशासन कार्यालयहरूलाई जेनजी प्रदर्शनका क्रममा घाइते भएका व्यक्तिहरूको वर्गीकरण प्रक्रिया शुरू गर्न निर्देशन दिएको छ। मन्त्रालयले स्वास्थ्य तथा जनसङ्ख्या मन्त्रालयबाट स्वीकृत 'जेनजी प्रदर्शनका घाइतेहरूको वर्गीकरण सम्बन्धी कार्यविधि, २०८२' अनुसार सात दिनभित्र सूचना प्रकाशन गरी जिल्लास्तरीय सहजीकरण समितिबाट वर्गीकरण कार्य सम्पन्न गर्न र सो विवरण स्वास्थ्य मन्त्रालयमा रहेको प्राविधिक समितिमा पठाउन निर्देशन दिएको हो। यसका साथै, घाइते परिचयपत्र प्राप्त गरेका व्यक्तिहरूलाई पायक पर्ने जिल्ला प्रशासन कार्य...