एनपीएलको उद्घाटनमा साविक विजेता जनकपुरलाई नयाँ प्रशिक्षकको साथले उत्साही काठमान्डु गोर्खाजको चुनौती

असंख्य क्रिकेटप्रेमीले अधैर्यतापूर्वक प्रतिक्षा गरिरहेको नेपाल प्रिमियर लिग (एनपीएल) क्रिकेट प्रतियोगिताको दोस्रो संस्करण आज सोमबारदेखि काठमाडौंमा शुरू हुँदैछ । पहिलो संस्करणझैं एनपीएलको दोस्रो संस्करणका खेल पनि कीर्तिपुरस्थित त्रिभुवन विश्वविद्यालयको अन्तर्राष्ट्रिय क्रिकेट मैदानमा खेलाइने छ । प्रतियोगिताको उद्घाटन खेल सोमबार साविक विजेता जनकपुर बोल्ट्स र काठमान्डु गोर्खाजबीच खेलिने छ । उद्घाटन खेल दिउँसो ४ बजे शुरू हुनेछ । अघिल्लो संस्करणको फाइनलमा जनकपुर बोल्ट्सले सुदूरपश्चिम रोयल्सलाई पाँच विकेटले हराउँदै उपाधिमाथि क...