कांग्रेसले वेबसाइटबाट हटायो गगन-विश्वको नाम

नेपाली कांग्रेस (देउवा पक्ष)ले आफ्नो कार्य समितिबाट दुई महामन्त्री र सहमहामन्त्रीको नाम हटाएको छ । कांग्रेसको आधिकारिक वेबसाइटमा महामन्त्रीद्वय गगन थापा, विश्वप्रकाश शर्मा र सहमहामन्त्री फर्मुल्लाह मन्सुरको नाम हटाएको हो ।  कांग्रेस विशेष महाधिवेशनबाट बुधबार मध्यराति थापा सभापति, शर्मा उपसभापति र मन्सुर सहमहामन्त्री निर्वाचित भएका थिए । संस्थापन पक्षले बुधबारै कार्य समितिको बैठक राखेर यी तिनै जनालाई साधारण सदस्य समेत नरहेनगरी पार्टीबाट निष्काशन गरेको थियो ।