ओलीको ‘टीम फर्मेसन’मा समस्या, प्रदीप ज्ञवालीको ‘मौन विद्रोह’ले एमालेमा हलचल

११ औं महाधिवेशनको नेतृत्व चयन प्रक्रियालाई लिएर नेकपा एमालेको संस्थापन (केपी शर्मा ओली) समूहमै विवाद भएको छ । १० औं महाधिवेशनमा ओलीले टीम बनाउँदा त्यति विवाद नदेखिए पनि ११ औं महाधिवेशनको टीम फर्मेसनमा विवाद भएको हो । महासचिवमा शंकर पोखरेललाई दोहोर्‍याउने ओलीको चाहनापछि संस्थापन पक्षभित्रै विवाद सिर्जना भएको छ । विष्णु पौडेल, रामबहादुर थापा, गुरु बराल, पृथ्वी सुब्बा गुरुङ र प्रदीप ज्ञवालीलाई उपाध्यक्ष बनाउने गरी पहिलो सूची सार्वजनिक भएको थियो । सोमबार बिहान बनाइएको पहिलो सूचीमा भानुभक्त ढकाललाई उपमहास...