ईश्वर पोखरेलले अध्यक्षमा उम्मेदवारी दिने बताएपछि ओलीको जवाफ– प्रतिस्पर्धा गर्न सबैलाई छुट छ

नेकपा एमालेका वरिष्ठ उपाध्यक्ष ईश्वर पोखरेलले आसन्न ११ औँ महाधिवेशनमा पार्टी अध्यक्षमा प्रतिस्पर्धा गर्ने बताएका छन् । अध्यक्ष केपी शर्मा ओलीले नेतृत्व नछाड्ने यसअघि नै स्पष्ट गरिसहेका छन् ।  पार्टी केन्द्रीय कार्यालय च्यासलमा बिहीबार बसेको सचिवालय बैठकमा पोखरेलले अध्यक्षमा औपचारिक रुपमा दाबी पेश गरेका हुन् ।  पोखरेलले पार्टीको नेतृत्व सम्हाल्न आफू तयार रहेको भन्दै सहयोग गर्न आग्रह गरेका थिए । ‘सचिवालय बैठकमा ईश्वर कमरेडले अध्यक्षमा उम्मेदवारी दिने संकेत गर्नुभयो । अध्यक्षका लागि आफ्नो योग्यता र अनुभव रहेको कुरा रा...