एनपीएल क्रिकेट : दैनिक साढे ९ हजार टिकट बिक्री, ४० करोड आम्दानी हुने क्यानको विश्वास

नेपाल क्रिकेट संघ (क्यान) ले नेपाल प्रिमियर लिग (एनपीएल) को दोस्रो संस्करणमा प्रत्येक दिन नौ हजार पाँच सय टिकट बिक्री गर्ने जनाएको छ । एनपीएल क्रिकेटको दोस्रो संस्करण सोमबारदेखि शुरू हुँदैछ । एनपीएलको विषयमा जानकारी दिन शनिबार काठमाडौंमा आयोजित पत्रकार सम्मेलनमा दोस्रो संस्करणमा प्रायोजक, टिकट बिक्री, ओटीटी प्रसारण अधिकारी बिक्रीलगायतबाट ३० देखि ४० करोड रुपैयाँसम्म आम्दानी गर्ने क्यानले जानकारी दियो । पत्रकार सम्मेलनमा क्यानले दिएको जानकारीअनुसार सहभागी टोलीहरूबाट करिब नौ करोड रुपैयाँ जुटेको छ । ...