डिजेल र मट्टितेलको मूल्य घट्यो, हवाई इन्धन भने महँगियो

नेपाल आयल निगमले डिजेल र मट्टितेलको मूल्य घटाएको छ भने हवाई इन्धनको मूल्य वृद्धि गरेको छ।  इन्डियन आयल कर्पोरेसन (आईओसी) बाट प्राप्त नयाँ खरिद मूल्यसूची अनुसार निगमले इन्धनको मूल्य समायोजन गरेको हो। निगम सञ्चालक समितिको आइतबार बसेको बैठकले डिजेल र मट्टितेलमा प्रतिलिटर १ रुपैयाँ मूल्य घटाउने निर्णय गरेको छ। यो निर्णय आइतबार (मंसिर १५ गते) बिहान ००:०१ बजेदेखि लागू हुनेछ। घटेको मूल्यपछि अब काठमाडौँ उपत्यका, पोखरा र दिपायल (तेस्रो वर्ग) मा डिजेल र मट्टितेलको खुद्रा बिक्री मूल्य प्रतिलिटर १४६ रुपैयाँ कायम भएको...