दल दर्तापछि हर्क साम्पाङको शैली फेरिएको हो ?

कुनै समय राजनीतिक दललाई ‘क्यान्सर’ र संगठित राजनीतिलाई ‘लुटको धन्दा’को संज्ञा दिँदै सामाजिक सञ्जाल तताउने धरान उपमहानगरपालिकाका मेयर हर्क साम्पाङको बोली र शैली अहिले केही फेरिएको छ । स्वतन्त्र उम्मेदवार हुँदा र मेयर जितेको शुरूआती चरणमा ‘म एक्लै काफी छु’ भन्ने साम्पाङ निर्वाचन आयोगमा ‘श्रम संस्कृति पार्टी’ दर्ता गराएसँगै केही शान्त भएका हुन् । हिजो आलोचकलाई भित्तैमा पुर्‍याउनेगरी शब्दवाण प्रहार गर्ने साम्पाङ आजभोलि भने निकै नापतौल गरेर र संयमित भाषामा मात्र स्टाटस ले...