जेनजीको प्रदर्शनका कारण तनाव बढेपछि सिमरामा कर्फ्यू आदेश

बाराको सिमरा क्षेत्रमा कर्फ्यू आदेश जारी गरिएको छ। सिमरा विमानस्थल आसपास जेनजी युवाहरूको प्रदर्शन र प्रहरीबीच तनाव उत्पन्न भएपछि जिल्ला प्रशासन कार्यालयले कर्फ्यू लगाएको हो ।  कार्यालयका प्रमुख जिल्ला अधिकारी धर्मेन्द्र कुमार मिश्रद्वारा जारी सूचना अनुसार, आज दिउँसो १२:३० बजे देखि बेलुका ८:०० बजेसम्म स्थानीय प्रशासन ऐन, २०२८ को दफा ६ (क) र (ख) बमोजिम कर्फ्यू लागू गरिएको हो ।