५ दिनमा राष्ट्रिय परिचयपत्रमार्फत ३ लाख भन्दा बढीले बनाए मतदाता नामावली दर्ता

पाँच दिनको अवधिमा राष्ट्रिय परिचयपत्रमार्फत ३ लाख भन्दा बढीले मतदाता नामावली दर्ता गराएका छन् । कात्तिक २७ देखि मंसिर १ गते राति साढे ९ बजेसम्मको अवधिमा ३ लाख ८ हजार ५८५ जनाले नाम दर्ता गराएका हुन् ।  जसमा पुरुष १ लाख ८१ हजार ५०७ जना र महिला १ लाख २७ हजार ६९ जना छन् । यस्तै आयोगको कार्यालयमै धाएर कात्तिक ३० गते ९ हजारले नाम दर्ता गराउँदा नयाँ दर्ता खुलेयता कात्तिक ३० गतेसम्म ३१ लाख १ हजार ४१५ जनाले नाम दर्ता गराएको निर्वाचन आयोगले जनाएको छ ।