विराट कोहलीको नयाँ विश्व कीर्तिमान : सचिन तेन्दुलकरको रेकर्ड तोड्दै बने सर्वाधिक 'प्लेयर अफ द सिरिज'

 भारतीय क्रिकेट टोलीका स्टार ब्याटर विराट कोहलीले दक्षिण अफ्रिकाविरुद्धको एकदिवसीय (ओडीआई) शृङ्खलामा उत्कृष्ट प्रदर्शन गर्दै नयाँ इतिहास रचेका छन्। शृङ्खलामा सर्वाधिक ३०२ रन बनाएका कोहलीले 'प्लेयर अफ द सिरिज' को उपाधि जितेसँगै पूर्व क्रिकेटर सचिन तेन्दुलकरको कीर्तिमान भङ्ग गरेका छन्। यो उपाधिसँगै विराट पुरुष अन्तर्राष्ट्रिय क्रिकेटमा सबैभन्दा धेरै पटक 'प्लेयर अफ द सिरिज' बन्ने खेलाडी बनेका छन्। यो उनको करियरको २०औँ 'प्लेयर अफ द सिरिज' अवार्ड हो। यसअघि यो कीर्तिमान तेन्दुलकरको नाममा थियो, जसले आफ्...