भिरमा ढुङ्गाको चेपमा अड्किएपछि...

ओखलढुङ्गा  जिल्लाको चम्पादेवी गाउँपालिका–३, स्थित ओडारे भिरमा ढुङ्गाको चेपमा अड्किएका रामबहादुर तामाङको सकुशल उद्धार गरिएको छ । आज दिउँसो दुम्सी खोज्न ढुङ्गाको चेपमा छिरेपछि तामाङ अचानक चेपमै अड्किएका थिए । तामाङ करिब १०/१५ फिट जति पर अँध्यारोमा पुगेपछि फर्किन नसकी त्यहीँ अड्किएपछि आफन्तले प्रहरीलाई खबर गरेका थिए ।  प्रहरी चौकी ताप्केडाँडाबाट गएको टोलीले उनलाई सकुशल उद्धार गरेको र तामाङको अवस्था सामान्य रहेको प्रहरीले जनाएको छ ।