काठमाडौँ उपत्यकामा सवारी आवागमन सामान्य

काठमाडौँ उपत्यकामा आज बिहान सवारी आवागमन सामान्य रहेको ट्राफिक प्रहरी महाशाखाले जनाएको छ। बिहान ८:०० बजे जारी गरिएको नियमित ट्राफिक अपडेटअनुसार उपत्यकाभित्र तथा बाहिर विभिन्न नाकाहरू हुँदै सवारी साधन सामान्य रूपमा चलिरहेका छन्। बिहानको समयमा सडकमा सवारीको संख्या न्यून देखिएको महाशाखाले जनाएको छ। ट्राफिक प्रहरी महाशाखाले चालकहरूलाई संयमित भएर सीमित गतिमा सवारी सञ्चालन गर्न अनुरोध गर्दै ट्राफिक नियमको पालना गरी सुरक्षित यात्रा गर्न आग्रह गरेको छ।