राष्ट्रिय स्वतन्त्र पार्टी केन्द्रीय समितिको निर्णय सार्वजनिक

राष्ट्रिय स्वतन्त्र पार्टी (रास्वपा) केन्द्रीय समितिको विशेष भर्चुअल बैठकले विवेकशील साझा पार्टीसँग हुने एकीकरण प्रक्रियालाई औपचारिक रूपमा अघि बढाउने निर्णय गरेको छ। महामन्त्री कवीन्द्र बुर्लाकोटीका अनुसार, गएराति बैठकले विवेकशील साझा पार्टीद्वारा आएको एकीकरणको सर्वसम्मत प्रस्तावलाई सहर्ष स्वागत गरेको छ। आइतबार राष्ट्रिय सभागृहमा ‘एकता घोषणासभा’ आयोजना गरिने उनले जानकारी दिए। उनले असल शासन र समुन्नतिसँग सरोकार राख्ने सुसंस्कृत तथा परिवर्तनकामी राजनीतिक शक्तिहरुसँग मुद्दागत र सांगठनिक सहकार्यका फरक–फरक मो...